| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 47.10 | Dem. 47.14 (English) | >>Dem. 47.17 |
47.12ἡ μὲν γὰρ δίαιτα ἐν τῇ ἡλιαίᾳ ἦν (οἱ γὰρ τὴν Οἰνῇδα καὶ τὴν Ἐρεχθῇδα διαιτῶντες ἐνταῦθα κάθηνται )· τῶν δὲ τοιούτων προκλήσεων , ὅταν τις τὸ σῶμα παραδιδῷ κομίσας , πολλοὶ προσίστανται ἐπακούοντες τῶν λεγομένων , ὥστε οὐκ ἂν ἠπόρησαν μαρτύρων , εἴπερ καὶ ὁπωστιοῦν ἀληθὴς ἦν ἡ μαρτυρία .
μεμαρτυρήκασι τοίνυν , ὦ ἄνδρες δικασταί , ἐν τῇ αὐτῇ μαρτυρίᾳ , ὡς ἐγὼ οὐκ ἐθέλοιμι ἀναβαλέσθαι , ὁ δὲ Θεόφημος κελεύοι , ἵνα μοι παραδοίη τὴν ἄνθρωπον . ὡς δὲ οὐκ ἀληθὲς τοῦτʼ ἔστιν , ἐγὼ ὑμᾶς διδάξω . εἰ μὲν γὰρ ἐγὼ τὸν Θεόφημον ταύτην τὴν πρόκλησιν προὐκαλούμην ἣν μεμαρτυρήκασιν αὐτῷ ,
47.14ἀξιῶν αὐτὸν τὴν ἄνθρωπον παραδοῦναι , εἰκότως ἄν μοι τούτους τοὺς λόγους ἀπεκρίνατο , ἀναβαλέσθαι κελεύων τὴν δίαιταν εἰς τὴν ὑστέραν σύνοδον , ἵνα κομίσῃ τὴν ἄνθρωπον καὶ παραδῷ μοι · νῦν δὲ σὲ αὐτὸν μεμαρτυρήκασιν , ὦ Θεόφημε , ἐθέλειν παραδιδόναι τὴν ἄνθρωπον , καὶ ἐμὲ μὴ ʼθέλειν παραλαβεῖν . πῶς οὖν σὺ κύριος μὲν ὢν τῆς ἀνθρώπου , μέλλων δὲ προκαλεῖσθαι ταύτην τὴν πρόκλησιν ἣν μεμαρτυρήκασί σοι , καταφεύγων δὲ εἰς τὴν ἄνθρωπον περὶ τοῦ δικαίου ,
47.15ἄλλου δέ σοι οὐδενὸς ὄντος μάρτυρος ὡς ἐπλήγης ὑπʼ ἐμοῦ ἄρχοντος χειρῶν ἀδίκων , οὐχ ἧκες ἔχων τὴν ἄνθρωπον πρὸς τὸν διαιτητὴν καὶ παρεδίδους τὸ σῶμα παρούσης τῆς ἀνθρώπου , κύριός γε ὢν αὐτῆς ; ἀλλὰ τὴν μὲν πρόκλησιν φὴς προκαλέσασθαι , τὴν δὲ ἄνθρωπον οὐδεὶς εἶδεν , διʼ ἧς ἐξηπάτησας τοὺς δικαστάς , ψευδεῖς μάρτυρας παρασχόμενος ὡς ἐθέλων παραδοῦναι .
47.13
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 47.10 | Dem. 47.14 (English) | >>Dem. 47.17 |
